عشق آخر..

يـا ابـو سـامـي، العشـق الحـقـيـقي مـعـاه تْـعـيـش وراع الــولــع مـحــروم قــلــبــه مــن الــتـــوبــه ومـن ذاق طــعــم الـعـشــق مـا يــتـركــه حــتّـيـش ولا يْـجــوز لـو فـي جــوفــه الــنـار مـشــبــوبــه تـقــول الـعــرب: مـن يـتـبـع الـمـقــفــيـة درويـش وأنا الـيـوم اشـوف الـمـقـفــيـة حـيْـل مـرغـوبــه! عـسـفـهـا.. وهـي تـدريـبـها صـعــب مـا قـد نـيـش وجـاتـه عـلـى الـتـوديْــه والـصـوت: لـعــبـوبــه! وذي دِبـرة اللــه.. مـا اتـنـشّـدك: لــيـش وْلــيـش؟ وكــلٍّ عــلـى طـــولـــه وعــرضـــه ذَرَع ثـــوبــه أنـا مـانـي مْــوقّــفْــك فـي نـقــطــة الـتـفــتــيـش ولا الِــدّ لـلـطّــرقـي.. مـخــابــيـــه وجْــيــوبــه وأنـا مـا رمــيــت بْـلــوف مــوتــرْك بـالـتـبــويـش ولا اقـــول مـضـــروبــة.. ولا هــي بـمـضــروبــه عـسى الـلـه يسـلّـمـنـا مـن الـغـــشّ والـتـغـشـيـش وجِـعـــلـك بـعَــد ســـالــم مــن الـهـــمّ ودْروبــه ولانــي بـ لايـــم عــاشــقٍ لــو هــــواه يْــطـــيـش وكـم قـــرم قـــومٍ طـاح فـي عـشــق رعــبــوبــه! ولا الُـــوم قـــنّـاي الإبـــل لــو دفــع بـخــشـيـش عـلـى راتــب الـرِّعــيـان يِــدبــل 100 نــوبــه مـع اعـلافـهـا.. وقْــروشٍ تْـطــيـر مــثـل الــريـش عـسـى الـلــه لا يْـضـيِّـع قــروشــه ومـتــعــوبــه قــنـوهــا زمـان قْــريـش.. وسْــنـيـن قِـدم قْــريـش وهــي دائــمًــا فـي كــلّ الاحــوال مـحــبــوبــه قــنـوهــا زمــل تـرحـال.. والاّ نـجـايــب جــيـش وهــجْــن الـســبـاق لْـكـلّ نـومــاس مـطــلـوبــه قـنـوهــا مـطــايـا.. والـنِّـضـا مـا هـي بْـ لـلــدِّيـش عـلـى اكــوارهـا قْـــرومٍ كـريــمــة ومَـحْـســوبــه قــنـوهــا رواحـل لـلـسـفــر.. نـاقــلات الـخــيـش قـوافــل تـجــوب دْيــار بـالـخــيـر مـصـحـوبــه قــنـوهـا مـعــاويــدٍ/ ســـوانـي عـلـيـهـا يْـعـــيـش حــلالٍ.. وزرع.. وْبـيــت.. بـغْــروب مـصـبـوبــه قــنـوهــا مـزايـيـنٍ.. شـكل لـون.. جـت بشْـويـش ومـن شــافـهـا اقـســم إنّـهـا صُــوره اعـجـوبــه! وحـشْــو وْمـفــاريــدٍ.. كــرم.. مـا بـهـا تـشــويـش ومــنــايـح عــشــان الـصَّــرّ والـــدَّرّ مـجـلـوبــه ومـنـها يـجِــزُّون الــذَّرى.. وانـت فــاهــم ويــش.. وبَــرهــا يــدفّــي ســاعــة الــبـــرد والـطُّــوبــه وهــذي عـطــايـا الـلــه.. ولا فـالـهـا الـتـهـمـيـش يـنـومـسْـك مـن عـنـده مـن الـعـيـس مـنـجـوبــه ويـا عـاشـق الـنـومـاس.. كـســبٍ بـكـفّـــه حِــيـش وشـفــنـا الـمــراجـل فـي فــعــولــه وأسـلــوبــه وذا صـاحـبي صـالـح، جــبـل مـا غـطـاه عْـمَـيـش وإذا فــيـه عــذروبٍ.. تـرى الطــيـب عــذروبــه ______________________________ الطُّوبة: أشد مواسم الشتاء برودةً في الحجاز. العمَيش: ضباب يغطي الجبال في الأيام الباردة.