طبطبة
![](http://test.alyamamahonline.com/uploads/1703057552.jpg)
تبي تكحل عين شوقك بالجديد وتقرا القصيد اللي دموعي تكتبه ؟! تبي تعرف اخبار حزني والمزيد وليه الهموم بوسط قلبي معشبه ؟! بوح الجروح اللي بصدري ما يفيد أبسط حقوقي صعب لاجيت اطلبه يا صاحبي من دمعتي وش تستفيد أنا من الوضع المشتت .. متعبه عيت دروب مصادفك عني تحيد هذا الذي ماكنت اظنه واحسبه شفتك عقب طول المفارق من بعيد ولقيتني ظهرك ، وسمعك منتبه سددت دينك مابقى عندي رصيد لاعاد في حلقي ترد وتنشبه لا تعتذر وتزيد بالعذر وتعيد اللي هدمته ما يعيده طبطبه ماعاد يرويني سحاب ولا قصيد ضامي شعوري عقب عشت التجربه مادام وقتي عن مصافاتي عنيد اصب له فنجال صبري واشربه كن القصايد نوق والأشواق بيد وكن المشاعر روض لكن مجدبه وكن الطليق مقيده مليون قيد واقف على باب الحنين يعاتبه هاذي قصيده حبرها دم الوريد بشعورها تاصل حدود الذبذبه تبت يد الهاجس وذا العلم الاكيد يا ما اختلفت بمذهبي عن مذهبه خذا العذاب اللي بقلبي مايريد أنا الفتاة اللي بـ (ابيها معجبه)